++++++++++++++++++
వెలుగుకు భయపడే నిజాలు కూడా ఉన్నాయి
అచ్చం నాలాగే ...
వెలుగును మాత్రమే చూడాలనుకున్నంత కాలం
అవి తెరవెనుక నీడలనే తేలిపోయినట్లుంటాయి
కాలంతో పరిగెత్తేప్పుడు ఆ నీడలే నీతోడు ..
.
అలసిన నాడు ఆదరింపు కోసం
ఏనాడైనా వెనక్కి చూస్తే
ముందు వరసలో ఉండేది ఆ నిజాలే
అచ్చం నాలాగే ...
.
వెలుగుకోసం అంత ఇష్టం పెంచుకున్న నువ్వు
చీకటిలో ఉండే ఆ నిజాలను నమ్మడానికి
ఒక్కోసారి రోజులు నెలలే కాదు సంవత్సరాలే పట్టొచ్చు
అంత మాత్రాన ఆ నిజాలు చీకట్లో కలిసిపోవు
అచ్చం నాలానే ....
@Lakshmi
No comments:
Post a Comment