Monday, July 4, 2016

రెండు జళ్ల సీతకు రోజులెక్కడివి ?

++++++++++++++++++++++

రావణుడెక్కడో లంకలో లేడు సీతా
పక్కింట్లోనో  లేక  ఎదురింట్లోనో
ఒక్కోసారి మనింట్లోనే ఉంటాడు

సీతా.. వాడు పది తలలతో పక పకా నవ్వుకుంటూరాడు
పలకరిస్తున్నట్టే పక్కనకూర్చుని
పళ్ళికిలిస్తాడు
గుర్తుపట్టేలోపు గొంతునులిమేస్తాడు 
తేరుకునేలోపు తగలెట్టేస్తాడు
.
నీ రాముడు నీ జీవితంలోకి రాకముందే
పురాణాల్లో ఉన్న రాక్షసులందరు
నీ ఇంటి కాలింగ్ బెల్ కొడతారు
.
ఇంకెందుకు సీతా ఆ ఎదురుచూపులు
ఈ చీకటి ప్రపంచంలో
వెలుగు నింపాలనుకునే మిణుగురులను
ఎప్పుడో వేయించుకుతిన్నారు

@Lakshmi



No comments:

Post a Comment