Tuesday, December 8, 2015

నా కోట్లకు పునాది నీ ఆకలేరోయ్



******************************
నాకెందుకు ఇదంతా
అయినా నీకు సేవ చేయాలనుంది
అందుకే
నీ గురించి పుస్తకం రాస్తా
ఒక్కో పుస్తకాన్ని 10 రూ/- అమ్ముతా
1000 పుస్తకాలకు 10000 వేలు వస్తాయి
వాటితో నీ గురించి షార్ట్ ఫిల్మ్ తీస్తా
దానితో లక్ష రూపాయలు వస్తాయి
వాటితో నీకోసం ట్రస్టు పెడతా
విరాళాలు కోట్లలో వస్తాయి
ఆ కోట్లలో ఒక లక్ష నీ పేరు చెప్పి
ప్రెస్ మీట్ పెట్టి
నీలాగే మావాడికి వేషం వేసి
దానం చేస్తాం
దాంతో రాజకీయాల్లోకి అడుగు పెట్టేస్తా
నీ పేరు చెప్పిప్రభుత్వం నుండి వచ్చే
గుడి, బడి, తిండి, గుడ్డ అన్నీ
నా కడుపుకే..
రిజర్వేషన్ నీది రాచరికం నాది
నీపేరుతో నాకు పద్మశ్రీ లు
పద్మ భూషణ్ లు ..
హ హ నీకు మాత్రం
ఆ పూరి పాకనే...
నాకు కోపం వస్తే
ధర్నాలు, రాస్తారోకులు
నువ్ అడుక్కు తినడానికి కూడా
నా కనికరం వుండాల్సిందే ..
అయినా ఇదంతా నాకెందుకు
నా బ్రతుకు నాది
నీ బ్రతుకు నీది
కాని నా కోట్లకు పునాది మాత్రం నీ ఆకలేరోయ్ ...
.
@Lakshmi

No comments:

Post a Comment